客家民謠為客族極特殊个鄉野俚俗傳情方式，打情罵俏饒富生活情趣，有九腔十八調之稱，一般認為係因客家民謠種類繁多，有人認為係因廣東省有九種不同口音，因鄉音不同而導致唱腔無共樣（不同）。
「九腔」包括海陸腔、四縣腔、饒平腔、陸豐腔、梅縣腔、松口腔、廣東腔、廣南腔、廣西腔等九種。
「十八調」指歌謠裡背（裡面）有平板、山歌仔、老山歌、思戀歌、病子歌、十八摸、剪剪花、初一朝、桃花開、上山採茶、瓜子仁、鬧五更、送金釵、打海棠、苦力娘、洗手巾、賣酒、桃花過渡、繡香包等十八種調子。
但有兜（些）學者認為客家民謠無法只以九種腔或十八種調仔涵蓋，更有人認為九腔十八調係客家採茶戲的唱曲。
客家民謠有千過（餘）年歷史，起初係為著（是為了）抒發喜怒哀樂情緒而哼出个單調歡呼或哀嘆聲，後來配合撐船、㧡（挑）擔、倒樹（砍樹）、行路（走路）等自然活動哼唱出聲，以表達情緒或壯膽，或向對岸同（和）遠山个人對話，而逐漸演變成歌調。
現下（目前）臺灣流傳个山歌，可分為老山歌、山歌仔、平板等三種主調，任何歌詞都可由唱个人自家（自己）即興創作。
老山歌又安到（稱為）大山歌，是最原始客家民謠，曲調悠揚、豪放，節奏流暢自由，聲音拖得當（很）長，只愛（要）係同一類型歌詞，毋（不）管內容係麼个（為何），都做得（可）用這種曲調唱出；山歌仔由老山歌變化而來，但節奏固定，無（不）像老山歌自由且較快速；平板又安到（稱為）改良調，係由老山歌摎（和）山歌仔演變，乜係（也是）山歌由荒山原野慢慢走進茶園、家庭、戲院个一項變革，平板使山歌由原始个自然小調進入大調个雛型，感覺更開朗、詼諧。
山歌仔同（與）平板个曲式、體裁、格局都共樣（相同），甚至所使用歌詞乜做得（也可）相互適用，故所（因此）當（很）多人分毋（不）出麼个係（何者為）山歌仔麼个係（何者為）平板，有人講山歌仔較婉轉動人、高亢嘹亮，平板較平淡、低沈渾厚，其實唱得好个人共樣做得（照樣能）把平板唱得婉轉動人，平板固較低沈，但乜（也）有高亢嘹亮，把結尾提高上揚个唱法，音域、音質因人而異，異（殊）難定論。
而小調如桃花開、思戀歌、十二月古人等，特色係逐（每）首小調个音調同（與）詞句都係有心譜出而經久不變，有一定歌詞同（和）歌譜，可用現代五線譜摎（及）簡譜記載，客家山歌饒富生活情趣。（作者／黃山高）
【版權所有 翻印必究】漾新聞 #漾新聞 #高雄 #黃山高
看更多新聞 請點選漾新聞網址 https://youngnews3631.com/index.php
