日治時期，日人在南隆地區創設三五公司南隆農場，同時佗（在）竹仔門獅仔山下鑿山引荖濃溪水發電，同時進行獅仔頭大圳開闢工程，發電送往旗尾製糖株式會社摎（和）手巾寮碾米場，發電後餘水注入獅仔頭圳，為南隆農場帶來源源不絕个活水，獅仔頭大圳為美濃帶來富庶同（與）繁榮，到現下還係旗山美濃主要灌溉水源。
獅仔頭大圳源頭靠近荖濃溪，先民在清朝時已開鑿了美濃第一條龍肚水圳，農田因該水圳灌溉而贏得「六堆第一米倉」美名。
美濃四周山水環繞，自給自足，並將盛產个米糧順著美濃河運去廣東原鄉換取民生物資日用品。完善个水利設施係穩固農業个最大功臣，獅仔頭圳个水潺潺流經美濃百過（餘）年，除忒（了）在農業上个貢獻，在人文上也有一份濃密情感，冬天个水圳水湄邊到處冒著縷縷像輕煙般个水氣，為「瀰濃」清晨平添一股詩情畫意。
四時變換个景觀，係在春天插秧前引圳水入田，一畦一畦水田將明媚春光倒映田野上，農家渲染出瀰濃山水國畫美景；盛夏酷暑，整條水圳成為大人同細人仔（小孩）游泳搞水个清涼好所在；秋天待收个稻田，把大地染成一片片耀眼个金黃色，秋收後新種个菸苗，又在土黃色个田壟阡陌間展開新綠，夜間點點燈火在田裡穿梭，農民放水灌溉成為秋夜特殊景觀；冬天水圳兩側一大片翠綠菸田，盡（許）多人家開始在圳肚裡清洗家具，悄悄地捎來過年个氣息。
水圳還蘊育出美濃蓋（很）多風土歷史，沿著水圳一路寫出明顯地標，包括上河壩、河壩寮、九孔、十孔、水橋……等，「十孔」即因當地水圳有十個閘門而得名，水利單位表示愛（要）拆除這十座古老水門，遭當地居民同藝文界人士反對，留住社區生活史文化財。
「水橋」係美濃人造奇觀，水圳經由水橋越過美濃河，水橋頂項（上面）做得（可）行人車，下背（下面）嗄係水道，從水流湍急又伸手不見五指个水道肚項（裡面）滑向光明个該片（彼端），係美濃細人仔童年一項驚險刺激个挑戰，穿越水橋經過附近个永安老街，客家三合院夥房錯落其間，綿延貫穿水圳，在綺麗个美濃山下流往旗山，澤被鄰近鄉鎮農田，獅仔頭圳个水滋潤了美濃土地，也豐富了美濃文化，堪稱客家文化護城河。（作者黃山高）
【漾新聞】#漾新聞 #高雄 #黃山高
看更多新聞 請點選「漾新聞」網址 https://youngnews3631.com/index.php
